आयुष्यातले काही प्रश्न उत्तराच्या शोधात असतात,
हा खेळ असाच नेहमी चालत राहतो, असो......
माझ्या शब्दरचनेतून सादर करतोय.......
आहे उत्तर?हाच प्रश्न आहे...
-------------------------------------
मावळता सूर्यास्त पाहून
एक हुरहूरणारं काळीज..
मुक्काम,हुंदक्याचचं गाव का...
आहे उत्तर?हाच प्रश्न आहे....
दिवसागणिक नव्या स्वप्नाचा थर
एक हुरहूरणारं काळीज..
सावलीतल्या झाडाला,उन्हाचीच आस का...
आहे उत्तर? हाच प्रश्न आहे....
मी एकटाच पुरेसा आहे हो
एक हुरहूरणारं काळीज..
रस्त्याला माझ्या,काट्याचच कुंपण का...
आहे उत्तर? हाच प्रश्न आहे....
प्रश्न प्रश्न उत्तर उत्तर
एक हुरहूरणारं काळीज..
प्रश्नाला आस,उत्तराचीच का...
आहे उत्तर?हाच प्रश्न आहे...
◆शब्दांकन◆
© तुळजाप्रसाद धानोरकर
आसिस्टंट मॅनेजर
कोटक महिंद्रा बँक,पुणे
No comments:
Post a Comment